GUIDA  Piemonte/Canzoni dialettali Piemontesi/Canzoni dialettali del XIX secolo

1. Crudel destin

Destin becco-foutù

T as propi faaila grisa

A sciodme papatanù

Sout n’erbo al meìs dla bisa.

Da già ch’a t’è vnù ’I tiòh

D’ «emneme dsour un brich.

Perché crudel destin

Nen feme un ravanin?

J ’avia già da pcitin

Na provision d’ mal d'pansa

Ora pr’ un verb latin,

Or pr’una concordansa;

Ventava minca tan

Difendme ’l fabrian;

Perchè crudel destin

Nen feme un ravanin?

Dop avei fait in Ast

L’oulouch anit’ un colege

J ’eu dvù buteme ’I bast

Per quater couje d’Lege;

J ’eu dvù mastiè i limon

Con Fabro e con Tohon;

Perchè crudel destin

Nen feme un ravanin ?

J ’eu fait el can dughin

Su le pianà dlà blessa,

Ma pr’ un foutù basin,

Pr’ una foutua caressa

La mort m’ avia già'n brass,

E ‘l Disu s’ lustrava l’ pnass

Perchè crudel destin

Nen feme un ravanin?

Lassandme sbaluchè

Dal lanternon dla gloria

Dì e néut j’eu sul papè

Frustame ta sicoria;

E j’eu peni vist un lum

Sens’euli, e sporch d’ fum;

Perchè crudel destin

Nen feme un ravanin?

Con intenssion d'cambiè

Alour, comedia e scena,

Son slait a rubalè

Su l’Arno e su la Sena;

Ma da per lui j’eu vdù

D’gianfouire e d’foi foutù;

Perchè crudel destin

Nen feme un ravanin?

Sentiendme peui già stanch

D’martleme in vers la gnuca

I son batume i fianch

In prosa per la pruca;

Son piame la lega!

Parei d’un servissial;

Perchè crudel destin

Nen feme un ravanin?

Al pover j’eu fait dè

So camp e soa filerà,

J ’eu fait surtì pi d’trè

Ch’a l’ero ‘n caponera;

Ma j'ait fasend surtì

I son entraje mi;

Perchè crudel destin

Nen feme un ravanin?

Sperand ant un moment

Finì sta vita croja,

J aspeto santament

La visita del boja

Ch’am vena a liberè

Con un bon causs darè;

Perchè crudel destin

Nen feme un ravanin?

Pi tost che deurvme j’eui

La man dla Providenssa

Podia ben strassè ’n feui

Dal liber dl’esistenssa.

El mond stasiilo nen

Con un fabioch d’men?

Perchè crudel destin

Nen feme un ravanin?

2. Mia anima

Povra amia, povra coumpagna

Di me crussi, di me anéui,

Guarda lì t’ses ant la bagna

Fina al col, fin dsoura j’eui;

Guarda lì, venta a la fin

Rangiè i cont con el destin:

Sensa affann, sensa paura

Slarga j'ale, e vatne pura!

Fa courage, o povra amia,

Laste nen piè dal magon

Pr’una corda, pr'una gria,

Pr’un pò d’paja ant’un canton.

Sout la porpora aj n’è d’coui

Ch’a stan peg che soul ai frouj:

Sensa affann, sensa paura

Slarga j’ale, e vatne pura!

Cosa vallo ch’it tratene

Fra le nebie d' cousta val

A combate con le pene

A fe ’I ben per cheuje ‘l mal?

Cosa vallo sgambitè

Senza gnanca un strass d’ perchè?

Sensa affann, sensa paura

Slarga j’ale e vatnee pura!

Con l’amour t’ses ambarcate

E ‘l limon i t’as perdù,

A la gloria i t’ses fidate,

E l’invidia a l’a courù;

Seuspirand la libertà

Le cadenè i t’as trouvà:

Sensa affann, sensa paura

Slarga j’ale e vatne pura!

Deans l’Eterno quand i t’vade

A informelo di fait lo,

S’a t’ciamrà s’ t’ fasie d’ balade,

Bassa jeui, djs nen che d’uso;

S’a t’ciamarà s’ t’ere sturdì,

Strens le spale e dis che d’ sì:

Sensa affann, sensa paura

Slarga j'ale e vatne pura!

Dis, sout vous, che a l’amicissia

Da bon fìeul i t’as cherdù;

Dis che d’j’omni la giustissia

T’as trop vist, trop conossù;

Dis ch’i t’ses mai fait lustrè

Da gnun papa e da gnun re:

Sensa affann, sensa paura

Slarga j ’ale e vatne pura!

Dis ch’i t’as mai fait vendetta

Contra d'coui ch’a l’ voulio pers,

Che cantand quaich cansonetta,

Che sfogandte con quaich vers;

Dis ch’i t’as mai avù cheur

D’ vedde un autr ant’el malheur:

Sensa affann, sensa paura

Slarga j’ale e vatne pura!

I lo seu, t’ses ancour gnanca

D’toa carriera a la metà,

Ma i seu dcò ch’i t’ses già stanca

D’ vedie tant perseguità,

Lassme, lassme posé j’oss:

Souta un sales, ant un foss:

Sensa affann, sensa paura

Slarga j'ale e vatne pura!

3. Me vestì

Compagn d’le mie vicende,

Me car vestì, l'lo sas,

Che un dì t’as fame spende

Quatordes lire al ras:

I t’ses d’un bel pann fin,

Tajà da Colombin:

E adess me car vestì,

Perchè deme ’l bondi?

T’ sas ch’ a l’a mai toucate

La man d’un servitour,

Mi soul t’eu sempre ivate

La pouver con amour;

In Camera, in Senat

I t’eu difeis dai rat:

E adess me car vestì,

Perche deme ’l bondì?

Quand j’era prim-anari,

Trouvandme al sicut el,

J’eu fait troutè i scartari

E’l drit dle gent al ghet;

Ma ti t’ses gnanca stà

Na volta al Mont d’ Pietà:

E adess, me car vestì

Perchè deme ’l bondì?

I l’sas che Rosalia

Quand am sautava ‘l splin

Per nen ch’j ’andeissa via

At piava pr’i faldin.

I t’sas che minca poch

T’j’na lassave un toch:

E adess, me car vestì,

Perchè deme ’l bondì?

Quand l’estro vnisia dime,

D’ fourgeje una cansson,

J ’eu trovà soens le rime

Plucand i to bouton.

Un dì pensand a un verss

I t’eu butà a l’inverss:

E adess me car vestì,

Perchè deme ’l bondì?

Se dnans a ti a passava

Quaich paramàn brodà,

T sas ben ch’a t’ a’importava

Coun bel capuss d’un frà:

Per d’ plache, e per d’ bindei

T’as fait mai gran ciadei:

E adess, me car vestì,

Perchè deme ’l bondì ?

Astu smentia ch'j’ avouma

Viaggià sempre indivis?

T’eu fate slùnghè a Roma

T’eu fait scursè a Paris.

I t’as avù un tacon

Da tute le nassion:

E adess, me car vestì,

Perchè deme ’l bondi?

T’elo passà d’memoria

Che un dì zichin-zichet

Per fete onour e gloria

T’an piate pr’ el coulet?

Mi son restà d' stuch,

Ti t’è cascate ’l pluch:

E adess, me car vestì,

Perchè deme ’l bondi?

Ah! la fortuna rea

An dev nen separé;

Sent... a j ’è lì l’Ebrea

Ch’at ven a coumoudè.

Fin tant ch’i pourtreu j’oss

I t’avreu sempre adoss:

I veui, me car vestì,

I veui mur’ con tì!

E adess, me car vestì,

Perchè deme ’l bondi?

4. Mia entrada

Se a Natal iv Ireuve sensa

Un pertus da tramudè

Prest ricoure a soa Eccellensa,

Presi ch’as degna d’feve liè;

Chiel av treuva ant un moment

Un superb apartament:

Gnun al mond pì fortunà

Che ‘l mortal ch’ a l’è ampactà.

J’è an entrand chi s’da la pena

D’feve subit j’onour d’cà;

Chi v’armuscia, chi v’ armena,

Chi v’arbuta ’n sa e ’n là.

Coust av pia ciav e ciavin,

Coul av scrola ’l sacocin:

Gnun al mond pi fortunà

Che ’l mortal ch’a l'è ampactà.

Ève seugn? a j’è ant la stanssa

D'bona paia per durmì.

Ève aplit? in abondanssa

A j’è d’acqua e d’ pan mufì.

Ève ’l fout ? av fan padron

Dl’arsenal di bousaron;

Gnun al mond pi fortunà

Che ‘l mortal ch’ a l’ è ampactà.

Lì s’a pieuv un è a la sousta,

Li s’à fioca un s’bagna nen,

Lì ch'a cousta lo ch’a cousta

Porte e fnestre a saro ben;

Per occupesse un conta i froui

Pr amusesse un s’grata i gnoui:

Gnun al mond pi fortunà

Che ‘l mortal ch’ a l’ è ampactà.

Gnun Vicari ch’ av molesta

Con d’ scarpiatole d’edit,

Griun av sita, gnun v’arresta,

Gnun a ven a esige ‘l fit;

Gnun av ciama la pension,

Gnun av fa l’èsecussion:

Gnun al mond pi fortunà

Che ‘l mortal ch’ a l’ è ampactà.

Che piasì quand im desvio

Veddome lì da para al let

Doui colar ch’ a servizio

D’ crovatin a Lafayet;

Vedme d’ corda an t’un cantón

Per fé onour ai macaron;

Gnun al mond pi fortunà

Che ‘l mortal ch’ a l’ è ampactà.

D’ guarnison sout a la fnestra

A j’é un’oca e doui crovass:

Tuti ansém a fan n’orchestra

Ch’ á l’é propi, propi un spass:

Che Rossini! che Mozar!

Che Donzelli! che Ghebar!

Gnun al mond pi fortunà

Che ‘l mortal ch’ a l’ è ampactà.

Minca fan daré d’ na gria

As presenta sul pertus

Un ratass che a l’aria a smia

L ‘Ispetour di catafus;

Sottridend sout ai barbis

Am fa: sciavó, nostr’amis:

Gnun al mond pi fortunà

Che ‘l mortal ch’ a l’ è ampactà.

Vers la fin dla smana santa

Tati a fan quaich badalich.

L’Alleluja coust a canta,

Coul a intona ’l non est hic;

E mi a risigh di polmon

Canto ’l gloria dal croton:

Gnun al mond pi fortunà

Che ‘l mortal ch’ a l’ è ampactà.

Aristotele a sercava

El bonheur ant la virtù,

Cincinato ant na biarava,

E Timon sout a un sambù:

Ma gnun d’lour a l’a capì

Che an person a stà ’l piasì.

Gnun al mond pi fortunà

Che ‘l mortal ch’ a l’ è ampactà.

Maciavel ch'a l’era un drito

Pr el colet s’ è fasse piè;

Galileo, tut aut che pito,

S’ è dico chiel fasse groupé,

E con Socrate an person

Fasia pratica Platon:

Gnun al mond pi fortunà

Che ‘l mortal ch’ a l’ è ampactà.

Im lusingo eh’ Soa Eccellenssa

Ch’ a l’ è cotia coum el bur,

A l’avrà la compiasenssa

D'anciodeme fra qual mur.

Eccellenssa, i sareu brav,

Ch’ a radoupia criche e ciav:

Gnun al mond pi fortunà

Che ‘l mortal ch’ a l’ è ampactà.

5. La fougassa

Carolina, oh che allegria!

Carolina, oh che piasi!

Finalment, chi lo diria?

Finalment son Re dco mi.

Ma a j’ è d’ coui ch' am ciamo già

Coum diau sestu maestà ?...

A j’ è d’ che fè la grimassa!

Pr’ una fetta dla fougassa.

I politich a n’insegno,

Squinternand j’antich edit,

Ch’ a l'an tuti coui ch’ a regno

Un quaich titol, un quaich drit.

Drit divin, drit d’ succession,

Drit d’acquist, drit d’ elession,

E mi ’l drit ch’ i l’eu sta seira.

A l’ è cout dla fava neira.

Ma da già ch'j’eu na coresa,

E chi teno un scetro an man,

Venia eh’ j’ ordina e i dispona

Second l'uso di sovran.

Dnass al mond veui nen passè

Pr un re d’ giss e un re d’ papè,

In virtù d’la certa scienssa

I comando in conseguenssa:

Che mai gnun deba permeisse

A gnun titol, a gnua pat

D’ingerisse, d’ittrometsse

Ant j’affè ch’ riguardo ’l stat.

Gnune Carles, gnun Consei,

Gnun lord Breugham, gnun lord Grei;

i veui mach ch’as fossa, e as dia

Lo ch’ a m’ par e lo ch’ a m’smia.

Odio eterno, guerra eterna

A coui Fabii, a coui Caton

Ch’ a pretendo ch’as gauverna

Con d‘ saviessa e con d’ rason.

Gnun savan, gnun liberaj,

Gnun filosof, gnun sonaj;

Ch’ as gouverna, ch’ as comanda

Con d’servei d’forurag d’Olanda.

Ch’a s’ esalto, ch' a s’impiego

I pì sebber, i pì gnoch,

Ch’as angabio, ch’as rilego

Tati coui ch’ son nen d’fabiòch.

Gnun giornaj, gnun sparadrap,

Gnon autour. gnun rompa ciap;

Che ogni sudit a procura

D'esse un aso a bona msura.

Gnun soffion, gnun rompa scatole,

Diplomatich insolent

A pianteme dle scarpiatole

In virtù del drit dle gent.

Veui fe guerra e veui fe pas,

Sensa tanti fica nas;

Sensa gnun ch’ am buta an scena

Con d’congress d’ Paris o d’Viena.

Su l’articoul dle finansse

Am pias d'esse moderà,

E i lassreu che d'soe sostansse

Godo i sudit la metà.

Ma che gnun am vena a schè

Con dle liste e d’i budgé:

Senssa tanti computista

Seu fè mi ’J budgè e la lista.

Per dle legi j’ na farouma

Qoand a n’smia doveine fé;

S’an dan tort j ’ cambiirouma,

S’an conveno as lasran stè.

Rusa d'pi o rusa d’men,

Tati i codici a vao ben;

Ch’a sio d’Fraussa, ch’a sio d'Spagna,

A l’è tutt l’¡stessa bagna.

Lassè pura ch’ai na sia

D’preive, d’cerich, d’monie e d’fra;

Le baboje d’ sacristia

Sout al trono a fan la nià.

Con d’ caserme e d’ monestè,

Con d’ gesuita e d’ canoniè

I bon suddit am dan fina

L’oss del col e ’I fil dla schina.

Alto là!...ma che diau elo

Sto ciadel, sto rabadan?

I me suddit as ribelo,

E am comando d’foute ‘l can ?...

Bondì barba: se a fè l’ re

A l’è tant un croi mestè,

Si j'è ’l scetro, si j’è ’l manto,

Bona neuit: j’abdico e ’v pianto.

Am rincress, o Carolina,

Mach per tì d’ pi nen regnè,

Mach per goi d’ vedte ti regina

J ’era fier d'esse mi re.

Ma da già ch'lolì a finiss,

Pi gnun troni pr el cupiss;

A lè mei ch’i t’m propone

Un basin che sent corone.

I buratin

Cousta vita falabraca

L’è una farsa d’Arlechin,

L’univers l’è la baraca

E noui souma i buratin.

Coul Campion ampastà d’ boria

Pr’ un piumass pr’ un grilò,

Che rusià dai verm dla gloria

A fa d’j’ jomni un fricandò,

Che seguend la strà dl’onour,

A cheui d’ lauri pr el sotrour,

Fin che ‘l Diau a lo sgarbela…

Col a l’e Porincinela!

Cousta vita falabraca

L’è una farsa d’Arlechin,

L’univers l’è la baraca

E noui souma i buratin.

A la Court coul ch’as rabela

Con d’inchin e d’ compiment,

Sempre pront a cambiè vela

Tost ch’a cambia un poch el vent;

Che umil, timid, angrumlì

Dnans al trono a fa ’I mufi,

Sout ai porti a fa ’I gradasso...

Coul a l’è ‘l famous Paliasso!

Cousta vita falabraca

L’è una farsa d’Arlechin,

L’univers l’è la baraca

E noui souma i buratin.

Coul ch’a glosa, coul ch’a critica

Con un aria magistral,

Ch’a fa ‘l Brougham an politica,

Ch’a fa ‘l Seneca in moral;

Che da sout i porti d’Po

A l’Olanda apia l’Escaut,

Ai Spagneui la Catalogna…

Coul a l’è ‘l Doutor d’Bologna!

Cousta vita falabraca

L’è una farsa d’Arlechin,

L’univers l’è la baraca

E noui souma i buratin.

Coul ch’a suda e ch’as amassa

Pr’ ingrassè ’I potenl e 'I rich,

Che in compens a lo strapassa

E a lo ten coum un borich;

Che per nen ch’a scrola ’I bast

Minca tant ai touca ‘l tast,

O del boja o dèi Demoni...

Coul a l’è ’I pover Gironi!

Cousta vita falabraca

L’è una farsa d’Arlechin,

L’univers l’è la baraca

E noui souma i buratin.

Coul gridlin fait a buata

Archincà sull’ultim gust,

Mes soutra ant una una crouata,

Mes torcià tra mes a un bust,

Con un’aria d’ subrichet,

Con un coeur da ravanet,

Con na testa faila a vindo...

Coul a l’è monsù Florindo!

Cousta vita falabraca

L’è una farsa d’Arlechin,

L’univers l’è la baraca

E noui souma i buratin.

Carolina, coula rusa

Ch’a m’a fait girè ’I cupiss,

Coula grinta ch’as amusa

A fè ’l balsam di pastiss,

Che leggera pi che ’l vent

As da l'aria d’ sentiment

D’un Erminia e d’una Laura...

Coula a l’è tota Rosaura!

Cousta vita falabraca

L’è una farsa d’Arlechin,

L’univers l’è la baraca

E noui souma i buratin.

Coul ch’a toujra, coul ch’a briga

Pr’ un impiegh, pr’ una pension,

Dispostissim a fe liga

Con Mercurio e con Platon;

Ch'à l’è branda a la matin,

A mesdì l’è Giacobin;

Curt d’man lung d’ bertavela …

Coul a l’è l’amis Brighela!

Cousta vita falabraca

L’è una farsa d’Arlechin,

L’univers l’è la baraca

E noui souma i buratin.

Ma darè da la tendina,

Coul ch’a fa ’l buratinè,

La progenie buratina

Perché falo recitè?

Contentomse d’fe ‘l pajass

Con d’gambade, d’smorfie e d’sgari

Fin ch’la mort cala ‘l sipari.

Cousta vita falabraca

L’è una farsa d’Arlechin,

L’univers l’è la baraca

E noui souma i buratin.